شيلي المراية و من محلّك إرجعي كنّك رغبتي تصرفي عمرك معي
قلبي عليكي يغار من كل ّ العيون ما بريد إنّك بالمراية تطلعي
قلبي عليكي يغار من كلّ العيون شيلي المراية و زوّلي عنّي الظّنون
إلّا عيوني على عيونك لا تمون ممنوع إنّك رسم وجهك تقشعي
لا تظهري بليل الدّجى أو بالسّحر خايف عليكي يسرقك منّي القمر
يبعت جيوشو و يخطفك كوني بحذر كوني حريصة و لجنودك إجمعي
من لحاظك جرّدي سيوف و تروس و بِبهائك بدّدي جيش الشّموس
لو يلمحك بدر الدّجي يخبو و ينوس يسقط مهشّم عا غريمو يندعي
نبلات عينك سدّديها عالنّجوم وأنفاس طيبك انشري بوجها غيوم
و من ريق ثغرك دوّخي بنت الكروم أفلاك تنوي خطفِكِ من مضجعي
طلّي بجمالك يا حبيبة واسحري أجمل حواري مرافقين المشتري
عطرك هبي الأنسام موجا لو سري خلّا قلوب النّاس سكرى بلا وعي
لكن فؤادك عالمتيّم حنّنيه حاجي بحرابك في صميمو تجرحيه
يبلى الجّسم يانور حبّك إن سليه يسلى الكبد و تكون جمرة بأضلعي
تولّد هواكي بالحنايا من زمان منذ الطّفولة و الحداثة فيِّ كان
بين الضّلوع و بالحشا بأغلى مكان شجرةْ غرامك هالسّقيتا بأدمعي
* * *